إلى جماعة آسفين يا ريس ( آسفين يا ريس ) هنعدد بعض أعمالك
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في عهدك الفصل في المدرسة بين سبعين وثمانين
وعلى الارصفه وفى الأزقة الجوعانين ....ملايين
وخريجي الجامعات بالألوف على النواصي سهرا نين
وامن الدولة تضرب بأيد من حديد إخوان ومساكين
وارض الدولة أتوزعت على كبار المستسمريين
وكرامة المصري خارج الحدود كرامة شحا تين
وهنا في بلده عايش عيشة.......... المتسولين
آسفين يا ريس وإحنا برضه كده.... غلطانين
لان القانون في صفك أنت وسرور أبو القوانين
ومعاك من الحزب الوطني ألوف .....وملايين
كبرتهم جنبك لصوص وسفلة مرتشين خينين
وسقت قدامك شوية كفرة عبط ...ومشركين
يذلوا في الخلق طول النهار ويخططوا ضدهم وهما نايمين
هنا تحرقوا لكم كنيستين ونقول....... مسلمين
وهناك تحرقوا ضريحين ونقول....... سلفيين
توقعوا بين الشعب العريق نصارى ومسلمين
ودول يولعوا الأقسام ويخرجوا المساجين
علشان نرهب الشعب الغلبان وهما مش داريين
إن اللي حواليك كانوا شياطين مش بنى ادمين
وأنت حذرتنا آما أنا أو الفوضى أو نصبح ندما نين
ويطلع لينا كام ألف غبي مش فاهمين
يعملوا مظاهرة وغاغه ويقولوا ليك آسفين
وبفلوسنا ليك كام محامى عنك مدافعين
وعشان كده بنقول لك ها ها هه إحنا كمان آسفين

والبقية تأتى الكاتب / عصام سعد زغلول
صحفى / جريدة صوت الناس الحر
تلفون / 0113314600
ايميل / esa_saa@hotmail.com