المنسى
صحيت لقيت نفسى
فى ارض تانيه مش ارضى
وفى المرايا بصيت لقيتنى
كده ؟ محنى
وشايل حمل تقيل على ضهرى
وطريقى كله شوك ودم على جفنى
اصلى بانام باكيان على ولدى
ومره تانيه انام ودمعى على خدى
من حكم ظالم عالى من بلدى
مشيت اجرى
فى الشوارع ادور على اصحابى
لقيتهم بالعصى بيضربوا كل احبابى
وكل اللى يرفع صوته يحسبوه خاين
وكل اللى يقول امين يعيش هنا امن
ورحت اجرى
على بيتى وخبطت على جبرانى
خرج لى واحد ماعرفهوش
وماسك بندقه خرطوش
ومن خوفى سألنى ؟ سؤال مفهمتوش
طلعت اجرى
على السلالم ودخلت شقتى مرعوش
وعلى لسانى بقول ياحواش حوش
رميت نفسى
على سريرى وانا بادعى يارب الكون فين بلدى
يارب نور طريقى وودينى على وطنى
ورجع لى يارب اصحاب واحبابى وجيرانى
وادينى يارب الكون الامل فى الامن من تانى
قعدت ابكى
وسالت دموعى بحرقه على خدى
فقير غلبان وقبل الثوره كان منسى
وقف فى الثوره وكان انسان ومن جنسى
وبعد الثوره وقف وقال يا عشيرتى
ونسى فقير غلبان انا الانسان انا المنسى
ت/ 01113314600
البقيه تأتى: كتبها
esa.saa.saa@gmail.com عصام سعد زغلول عبدالسلام